మూడేళ్ళ క్రితం విడుదలైన కొరియన్ వెబ్ సిరీస్ 'స్క్విడ్ గేమ్'(squid game)ఎంత పెద్ద విజయాన్ని అందుకుందో ప్రపంచ సినీ ప్రేమికులకి తెలిసిన విషయమే.ఇప్పుడు ఆ సిరీస్ కి కొనసాగింపుగా  స్క్విడ్ గేమ్ పార్ట్ 2(squid game 2) ప్రేక్షకుల ముందుకు రానుంది.ఈ క్రమంలోనే రీసెంట్ గా ట్రైలర్ రిలీజ్ అవ్వగా సోషల్ మీడియాలో రికార్డు వ్యూయర్స్ తో ముందుకు దూసుపోతుంది.  

ఫస్ట్ సీజన్ మాదిరిగానే సెకండ్ సీజన్ లో  కూడా కొంత మంది వ్యక్తులు డబ్బు సంపాదించడం కోసం స్క్విడ్ గేమ్ లో భాగం కానున్నారని ట్రైలర్ చూస్తే అర్ధమవుతుంది.గత సీజన్ లో ఈ గేమ్ లో నాలుగువందల యాభై ఆరవ పోటీదారుడు  సియాంగ్ గి హున్ ఆ ఆటలో మళ్ళీ పాల్గొని ఇది ప్రమాదకరమని తోటి సభ్యులని హెచ్చరిస్తాడు. ఆ తర్వాత ఏం జరిగిందనేదే ఈ కథ

జీవితంలో సర్వస్వం కోల్పోయిన వాళ్లలో 456 మందిని సెలక్ట్ చేసి వాళ్ళకి డబ్బు ఆశ చూపించి ఒక దీవిలో ఉంచుతారు. ఆ తర్వాత  వాళ్ళ మధ్య కొన్ని రకాల గేమ్స్ ని ఆడించి ఓడిపోయిన వాళ్ళని చంపేస్తుంటారు.ఈ కథకి ప్రాణం పోసి ఒక కథగా తీసుకురావడానికి పన్నెండు సంవత్సరాలు పట్టింది.లీ జంగ్ జె, వి హా జూన్, లీ బయింగ్ హాన్ వంటి వారు ప్రధాన పాత్రల్లో కనిపిస్తున్నారు.డిసెంబర్ 26 న నెట్ ఫ్లిక్స్ వేదికగా  స్ట్రీమింగ్ కానుండగా తెలుగులో కూడా అందుబాటులో ఉండనుంది.