నాగ్ "ఢమరుకం" లో సిమ్రాన్ నటిస్తూందట. వివరాల్లోకి వెళితే ఆర్ ఆర్ మూవీ మేకర్స్ పతాకంపై, యువసామ్రాట్ అక్కినేని నాగార్జున హీరోగా, శ్రీనివాసరెడ్డి దర్శకత్వంలో, డాక్టర్ వెంకట్ నిర్మిస్తున్న అత్యంత భారీ బడ్జెట్ సోషియో ఫాంటసీ సినిమా "ఢమరుకం". ఈ నాగ్ "ఢమరుకం" సినిమాకి యువ సంగీత తరంగం దేవీశ్రీ ప్రసాద్ సంగీతాన్ని అందిస్తున్నారు. నాగ్ "ఢమరుకం" సినిమాకి చోటా.కె.నాయుడు సినిమాటోగ్రఫీని అందిస్తున్నారు. ఈ నాగ్ "ఢమరుకం" సినిమాలో అనుష్క ఒక హీరోయిన్ గా నటిస్తూండగా, మరో హీరోయిన్ గా సీనియర్ నటి సిమ్రాన్ నటిస్తూందని ఫిలిం నగర్ వర్గాలంటున్నాయి.

దీన్ని బట్టి చూస్తుంటే నాగ్ "ఢమరుకం" సినిమాలో హీరో నాగార్జున ద్విపాత్రాభినయం చేస్తున్నారన్న అనుమానం కలుగుతోంది. ఈ సినిమాలో సిమ్రాన్ నటించబోతూందని బలమగా వినపడుతుంది. సిమ్రాన్ నటిస్తుందంటే బహుశా నాగార్జున సరసనే నటించాలి. నాగార్జునకు తల్లిగా నటించటానికి సిమ్రాన్ బహుశా అంగీకరించకపోవచ్చు. ఒకవేళ నాగార్జున ద్విపాత్రాభినయం చేస్తే పెద్ద నాగార్జునకు జోడీగా సిమ్రాన్ నటించే అవకాశాలున్నాయి.