ట్విట్టర్లో యాక్టివ్ గా ఉండే సెలబ్రిటీల్లో బాలీవుడ్ బాద్ షా షారుఖ్ ఖాన్ కూడా ఒకరు. తన అభిప్రాయాలను, వ్యక్తిగత విషయాలను కూడా అభిమానులతో నేరుగా పంచుకుంటారు. అందుకే ఆయన ట్విట్టర్ కు ఫాలోయింగ్ చాలా ఎక్కువ. తాజాగా ఆ ఫాలోవర్ల సంఖ్య 18 మిలియన్లకు చేరింది. ఈ సందర్భంగా షారుఖ్, అభిమానులపై తనకున్న అభిమానాన్ని బయటపెట్టారు. ఈ 18వేల మందికి నేను అభిమానిని అంటూ, తన ఫ్యాన్ పోస్టర్ ను పెట్టారు షారుఖ్. ప్రస్తుతం, షారుఖ్ ఫ్యాన్, రయీస్ సినిమాలతో బిజీగా ఉన్నారు. రయీస్ లో గ్యాంగ్ స్టర్ గా, ఫ్యాన్ లో ఒక హీరో వీరాభిమానిగా నటిస్తున్నారు. ఫ్యాన్ సినిమాలో షారుఖ్ తనకు తానే అభిమానిగా నటించడం విశేషం.