కార్తి, అరవింద్ స్వామి ప్రధాన పాత్రలు పోషించిన చిత్రం 'సత్యం సుందరం'. '96' ఫేమ్ ప్రేమ్ కుమార్ దర్శకత్వం వహించిన ఈ ఫీల్ గుడ్ మూవీ సెప్టెంబర్ 27న (తెలుగులో సెప్టెంబర్ 28న) థియేటర్లలో విడుదలై ప్రశంసలు అందుకుంది. ఇప్పుడు ఈ సినిమా ఓటీటీలో అలరించడానికి సిద్ధమవుతోంది.

'సత్యం సుందరం' డిజిటల్ స్ట్రీమింగ్ రైట్స్ ని నెట్ ఫ్లిక్స్ సొంతం చేసుకుంది. అక్టోబరు 27 నుంచి ఈ చిత్రం ఓటీటీలో స్ట్రీమింగ్ కానుంది. తమిళ్ తో పాటు తెలుగు, మలయాళ, కన్నడ, హిందీ భాషల్లో ఈ సినిమా అందుబాటులోకి రానుంది.

తెలుగునాట 'సత్యం సుందరం'కి మంచి టాక్ వచ్చినప్పటికీ 'దేవర' ప్రభంజనంలో ఆశించిన స్థాయి వసూళ్లను రాబట్టలేకపోయింది. మరి ఓటీటీలో ఏ రేంజ్ రెస్పాన్స్ తెచ్చుకుంటుందో చూడాలి.