సినిమా మొదటి రోజు ఫ్లాప్ టాక్ వచ్చి, గ్యాడ్యువల్ గా పికప్ అయి సెన్సేషన్ సృష్టించడమనేది ఆ మధ్య కాలంలో జరగని పని. గతంలో మహేష్ బాబు పోకిరి మొదటి రోజు ఫ్లాప్ టాక్ నుంచి ఇండస్ట్రీ హిట్ స్థాయికి చేరుకుంది. ఆ తర్వాత మళ్లీ అలా జరిగింది లేదు. ఇప్పుడు తన సరైనోడు తో అల్లు అర్జున్ ఈ ఫీట్ ను రిపీట్ చేశాడు. డివైడ్ టాక్ వచ్చిన బన్నీ సినిమా 54 కోట్లకు పైగానే కలెక్ట్ చేసి, 60 కోట్ల క్లబ్ వైపు దూసుకెళ్తోంది. ఈ ప్రాసెస్ లో, సంక్రాంతికి రిలీజై 50 కోట్ల క్లబ్ చేరిన నాన్నకు ప్రేమతోను దాటేసింది. ఇప్పుడు టాలీవుడ్ ఆల్ టైం టాప్ ఫైవ్ సరైనోడి టార్గెట్ గా కనబడుతోంది. టాలీవుడ్ ఆల్ టైం టాప్ 5 కలెక్షన్లలో బాహుబలి, శ్రీమంతుడు, అత్తారింటికి దారేది, మగధీర, గబ్బర్ సింగ్ ఉన్నాయి. ఇప్పటికే సీతమ్మ వాకిట్లో, దూకుడు సినిమాల్ని క్రాస్ చేసేసిన సరైనోడి తర్వాతి దృష్టి రేసుగుర్రం, గబ్బర్ సింగ్ ల మీద ఉంది. ఈ రెండింటినీ దాటేస్తే టాప్ 5 లో ఈ మూవీ చేరిపోతుంది. మే 6 న సుప్రీం, సూర్య 24 వస్తున్నాయి. వాటి జోరు పెరిగితే బోయపాటి సినిమా కాస్త తగ్గడం ఖాయం. మరి బన్నీ టాప్ 5 లో చేరతాడా..? సరైనోడు జోరు కొనసాగుతుందా..చూద్దాం.