నాని హీరోగా వివేక్ ఆత్రేయ దర్శకత్వంలో రూపొందిన సినిమా 'సరిపోదా శనివారం' (Saripodhaa Sanivaaram). డి.వి.వి. ఎంటర్టైన్మెంట్స్ నిర్మించిన ఈ యాక్షన్ థ్రిల్లర్ ఆగస్టు 29న థియేటర్లలో విడుదలై, మంచి వసూళ్లతో బ్రేక్ ఈవెన్ కి చేరువైంది. ఇదిలా ఉంటే, అప్పుడే ఈ సినిమా ఓటీటీ రిలీజ్ డేట్ లాక్ అయినట్లు తెలుస్తోంది.

'సరిపోదా శనివారం' డిజిటల్ స్ట్రీమింగ్ రైట్స్ ని ప్రముఖ ఓటీటీ వేదిక నెట్ ఫ్లిక్స్ దక్కించుకుంది. ఈ చిత్రాన్ని సెప్టెంబర్ 27 నుంచి స్ట్రీమింగ్ చేయాలని నిర్ణయించుకున్నట్లు సమాచారం. అంటే థియేటర్లలో విడుదలైన నాలుగు వారాలకే ఓటీటీలోకి అడుగుపెట్టబోతుంది అన్నమాట.

ప్రియాంక అరుల్ మోహన్, ఎస్.జె.సూర్య, సాయి కుమార్, మురళీ శర్మ తదితరులు ముఖ్యపాత్రలు పోషించిన 'సరిపోదా శనివారం' చిత్రానికి జేక్స్‌ బిజోయ్‌ సంగీతం అందించాడు. సినిమాటోగ్రాఫర్ గా జి. మురళి, ఎడిటర్ గా కార్తీక శ్రీనివాస్ వ్యవహరించారు.