రామ్‌గోపాల్ వర్మ ఎప్పుడూ తన మనసులో ఉన్నది ఉన్నట్టు మొహమాటం లేకుండా చెప్తారు. తనదైన స్టైల్లో సెటైర్లు వేస్తూ ప్రతిరోజు వార్తల్లో నిలుస్తారు. ఇవాళ విడుదలైన పవన్ సర్దార్ గబ్బర్ సింగ్ విషయంలో తాను చెప్పిందే నిజమైందన్నారు వర్మ. హిందీలో సర్దార్ ఓపెనింగ్స్ 2 శాతమేనని, నెల రోజుల క్రితం తాను ఊహించిందే జరిగిందని ట్వీట్ చేశారు.

ఈ సినిమాను హిందీలో విడుదల చేయడం పెద్ద పొరపాటు అని వర్మ అభిప్రాయపడ్డారు. ఈ నిర్ణయంతో పవన్ కంటే ప్రభాస్ పెద్ద హీరోగా గుర్తింపు పొందుతాడని అన్నారు. బాహుబలికి మించిన సినిమాతో హిందీలోకి వెళితే బాగుంటుందన్నారు. అందరికంటే పవన్‌ బాగుండాలని కోరుకునే వ్యక్తిని తానే అని ఆయన్ని గౌరవించే అభిమానిగా సలహా ఇస్తున్నానని చెప్పారు. పబ్లిసిటీ చేయడంలోనూ..సినిమాను రిలీజ్‌ చేయడంలోనూ వర్మ స్టైలే వేరు. ఆ ఎక్స్‌పిరియన్స్‌తోనే వర్మ పవన్ అండ్ కోను హెచ్చరించారు. చివరికి ఆయన చెప్పిన జోస్యమే ఫలించి హిందీలో సర్దార్‌కు ఆడియాన్సే కరువయ్యారు.