English | Telugu
"తుఫాన్" హెచ్చరికలు !!
Updated : Jun 11, 2013
అమితాబ్ "జంజీర్" చిత్రాన్ని రీమేక్ చేస్తూ రామ్చరణ్తో హిందీలో "జంజీర్" పేరుతోనే రీమేక్ చేస్తున్న చిత్రం తెలుగు వెర్షన్కు ఏ ముహూర్తాన "తుఫాన్" అన్న పేరు పెట్టారో కానీ.. అప్పటి నుంచి ఆ చిత్రం వివాదాల మరియు ఇబ్బందుల సుడిగుండాల్లో చిక్కుకుంటూనే ఉంది.
"జంజీర్" రచయితలైన సలీమ్_జావేద్లు తమ అనుమతి లేకుండానే ఈ చిత్రాన్ని రీమేక్ చేయ్యడంపై కోర్టును ఆశ్రయించడంతో ఈ చిత్రానికి మొదలైన ఇబ్బందులు.. ఈ చిత్రంలో ముఖ్య పాత్ర పోషిస్తున్న సంజయ్దత్ అరెస్ట్ కావడంతో తారాస్థాయికి చేరుకొన్నాయి. దాంతో ఈ వేసవికి విడుదల కావలసిన ఈ చిత్రం.. ఎప్పుడు విడుదలవుతుందో తెలియని పరిస్థితిలో పడిపోయింది.
దాంతో ఇప్పుడు "ఎవడు" చిత్రాన్ని జూలై నెలాఖరుకు విడుదల చేయడానికి యుద్ధప్రాతిపదికన సన్నాహాలు చేస్తున్నారు. వంశీపైడిపల్లి దర్శకత్వంలో దిల్రాజు నిర్మిస్తున్న ఈ చిత్రంలో రామ్చరణ్ సరసన శ్రుతిహాసన్, అమీజాక్సన్ హీరోయిన్లుగా నటిస్తున్నారు. దేవిశ్రీప్రసాద్ సంగీతం అందిస్తున్నాడు!