‘పుష్ప’ చిత్రం విడుదలై ఘన విజయం సాధించడం, అల్లు అర్జున్‌(allu arjun)కి ఉత్తమ నటుడుగా జాతీయ అవార్డు రావడం వంటివి జరిగిన తర్వాత ‘పుష్ప2’(pushpa2) చిత్రంపై భారీ అంచనాలు ఏర్పడ్డాయి. ఈ సినిమా ప్రారంభమైన నాటి నుంచి ఎప్పటికప్పుడు అప్‌డేట్స్‌ కోసం అందరూ ఎదురుచూస్తున్నారు. డిసెంబర్‌ 5న ఈ సినిమా రిలీజ్‌ కాబోతోందనే వార్త వచ్చినప్పటి నుంచి కౌంట్‌డౌన్‌ స్టార్ట్‌ అయింది. ‘పుష్ప2’ ఎప్పుడు థియేటర్లలోకి వస్తుంది.. ఎప్పుడు చూడాలి అనే ఆసక్తి పెరిగింది. ముందుగా అనుకున్న దాని కంటే ఒకరోజు ముందు సినిమా రిలీజ్‌ అవుతోంది. 

ఈ సినిమా ప్రమోషన్స్‌ను భారీగానే ప్లాన్‌ చేస్తున్నారు. ట్రైలర్‌ ఎప్పుడు రిలీజ్‌ చేస్తారనే విషయంలో ప్రేక్షకులు, అభిమానులు ఎంతో క్యూరియాసిటీతో ఉన్నారు. అన్నింటినీ మించి ఈ సినిమాలో ఐటమ్‌ ఎలా ఉండబోతోందనే విషయం తెలుసుకోవాలని అందరూ ఉత్సాహంగా ఉన్నారు. ఇదిలా ఉంటే.. ‘పుష్ప2’కి సంబంధించి ఒక ఇంట్రెస్టింగ్‌ అప్‌డేట్‌ వచ్చింది. ఈ సినిమా ప్రమోషన్స్‌ను డిఫరెంట్‌గా ప్లాన్‌ చేస్తున్నారు. అందులో భాగంగా ప్రీ రిలీజ్‌ ఈవెంట్‌ను ఆస్ట్రేలియాలో ప్లాన్‌ చేస్తున్నారు మేకర్స్‌. సిడ్నీలో ఈ ఈవెంట్‌ను నిర్వహించనున్నారని తెలుస్తోంది. అంతేకాదు, డేవిడ్‌ వార్నర్‌(david warner)ను ఈ కార్యక్రమానికి అతిథిగా ఆహాన్విస్తున్నారని సమాచారం. ఇక ఇక్కడ నిర్వహించే ప్రీ రిలీజ్‌ ఈవెంట్‌కి ఎన్టీఆర్‌(ntr) ముఖ్యఅతిథిగా హాజరవుతారని తెలుస్తోంది.