ప్రముఖ హీరోయిన్ ప్రియాంక మోహన్(priyanka mohan)గురించి ప్రత్యేకంగా చెప్పుకోవాల్సిన పని లేదు. నాని(nani)హీరోగా వచ్చిన గ్యాంగ్ లీడర్ తో తెలుగు  సినీ అరంగ్రేటం చేసిన ప్రియాంక లేటెస్ట్ గా నాని తోనే సరిపోదా శనివారం తో  సందడి చేసింది. ప్రస్తుతం  పవన్ కళ్యాణ్(pawan kalyan)తో ఓజీ లో కూడా జత కడుతుంది.

 తాజాగా ప్రియాంక వరంగల్ జిల్లాలోని తొర్రురు లో నూతనంగా స్థాపించబడిన ఒక కార్ల  షోరూమ్ ఓపెనింగ్ కి  వెళ్ళింది.. దీంతో ప్రియాంక ని చూడటానికి జనం  భారీగా తరలి వచ్చారు. ఇక ఆహుతులు ఏర్పాటు చేసిన స్టేజి మీదకి ప్రియాంక  చేరుకొని అభిమానులకి అభివాదం చేస్తూ ఉంది. ఆ సమయంలో స్టేజి మీద ప్రముఖ కాంగ్రెస్ నాయకురాలు ఝాన్సీ రెడ్డి తో పాటు ఇంకొంత మంది కూడా ఉన్నారు. కానీ స్టేజ్ మీదకి పరిమితిని మించి ఎక్కడంతో ఒక్కసారిగా స్టేజ్ కుప్పకూలిపోయింది. దీంతో ప్రియాంక కాలికి గాయాలయ్యానని తెలుస్తుంది. ఝాన్సీ రెడ్డి కి కూడా   తీవ్ర గాయాలవ్వడంతో ఇద్దర్ని హైదరాబాద్ లోని ప్రముఖ హాస్పిటల్ కి తరలించారు.