"పూలరంగడు" ఆడియో జనవరి 5న విడుదల కానుందని విశ్వసనీయవర్గాలద్వారా అందిన సమాచారం. వివరాల్లోకి వెళితే ఆర్ ఆర్ మూవీ మేకర్స్ పతాకంపై, హాస్యనటుడి నుండి హీరోగా మారిన సునీల్ హీరోగా, "ప్రేమకావాలి" ఫేం ఇషా చావ్లా హీరోయిన్ గా, "ఆహ నా పెళ్ళంట" ఫేం వీరభద్ర చౌదరి దర్శకత్వంలో, డాక్టర్ వెంకట్ నిర్మిస్తున్న విభిన్నప్రేమ కథా చిత్రం"పూలరంగడు". ఈ "పూలరంగడు" చిత్రానికి యువసంగీత తరంగం అనూప్ రూబెన్స్ సంగీతాన్నందిస్తున్నారు.

ఈ "పూలరంగడు" చిత్రం ఆడియోని 2012 జనవరి 5 వ తేదీన విడుదల చేయటానికి ఈ చిత్రం యూనిట్ సన్నాహాలు చేస్తోంది. ఈ "పూలరంగడు" చిత్రాన్ని 2012 జనవరి 14 వ తేదీన సంక్రాంతి పండుగ కానుకగా విడుదల చేస్తున్నారు. గతంలో నటసామ్రాట్ అక్కినేని నాగేశ్వరరావు హీరోగా "పూలరంగడు" అనే చిత్రం వచ్చింది. అప్పట్లో ఆ చిత్రం మ్యుజికల్ హిట్ గా నిలిచింది. ఈ సునీల్ "పూలరంగడు" చిత్రం కూడా అంత పెద్ద హిట్టవ్వాలని కోరుకుందాం.