ఆ మధ్య వరుస సినిమాలతో  తెలుగు ఇండస్ట్రీని ఒక ఊపు ఊపిన భామ పూజా హెగ్డే(pooja hegde)కారణాలు తెలియదు గాని గత కొంత కాలం నుంచి ఆఫర్స్ రావడం తగ్గిపోయాయి.కానీ ఇప్పుడు ఈ అమ్మడు చేతుల్లోకి లారెన్స్(raghava lawrence)మూవీ ఒకటి వచ్చి చేరింది.పైగా ఒక సూపర్ హిట్ సినిమాకి  సీక్వెల్ కావటంతో పూజా అభిమానులు తమ ఆనందాన్ని వ్యక్తం చేస్తున్నారు.

 లారెన్స్ స్వీయ దర్శకత్వంలో వచ్చిన ముని సిరీస్ ఎంతగా విజయాన్ని అందుకుందో అందరకి తెలిసిందే.కాంచన, కాంచన 2, గంగా(కాంచన 3) ఇలా మూడు చిత్రాలు కూడా  సూపర్ హిట్ సాధించి ప్రేక్షకులకి విపరీతంగా ఆకర్షించాయి.ఇప్పుడు  నాలుగవ సీక్వెల్  తెరకెక్కబోతుంది.ఇందులో హీరోయిన్ గా పూజా హెగ్డే ఎంపిక అయ్యింది. ఈ మేరకు మరికొన్ని రోజుల్లో అధికార ప్రకటన కూడా రానుంది.ఇక అన్నిటికంటే ముఖ్యంగా పూజా హీరోయిన్ గా ఎంపిక అవ్వడం ఇప్పుడు ప్రత్యేకతని సంతరించుకుంది. ఇందుకు కారణాలు కూడా లేకపోలేదు. అన్ని సిరీస్ లో కూడా హీరోయిన్ క్యారక్టరయిజేషన్ ఎంతో విభిన్నంగా ఉంటుంది. పైగా ప్రేక్షకులని తమ పాత్ర ద్వారా భయపెడతాయి కూడా దీంతో ఇన్నాళ్లు బుట్ట బొమ్మగా అలరించిన పూజా తొలిసారి హర్రర్ క్యారక్టర్ లో ఎలా చేస్తుందనే ఆసక్తి  ప్రేక్షకుల్లో ఏర్పడటం ఖాయం.

సుమారు వంద  కోట్ల బడ్జెట్ తో బాలీవుడ్ కు చెందిన ప్రముఖ సంస్థ  గోల్డ్ మైన్ మూవీస్ నిర్మించబోతోంది. త్వరలోనే  షూటింగ్ కూడా ప్రారంభం కానుంది. 2012లో వచ్చిన  తమిళ చిత్రం మూగమూడి తోనే  పూజా హెగ్డే  సినీ కెరీర్ ప్రారంభం అయ్యింది.వరుస పరాజయాల తర్వాత  మళ్ళీ తన రీ  ఎంట్రీ  తమిళ సినిమాతో ప్రారంభం కావడం విశేషం తెలుగులో మాత్రం ముకుంద తన  ఫస్ట్ మూవీ.