గన్నవరం ఏయిర్ పోర్ట్ లో పవన్ కళ్యాణ్ కనిపించాడు. ఇదేంటి ఎక్కడో కేరళలోని పొల్లాచ్చిలో "కాళీ" చిత్రం షుటింగ్ లో ఉన్నాడనుకున్న పవర్ స్టార్ పవన్ కళ్యాణ్ కృష్ణా జిల్లా గన్నవరం కనిపించటమేంటి...? కానీ అభిమానులు ఊహించని రీతిలో పవన్ కళ్యాణ్ హఠాత్తుగా గన్నవరం ఎయిర్ పోర్ట్ లో దర్శనమిచ్చారు. ఆయన అక్కడికి ఎందుకు వెళ్ళారో కారణాలు తెలియవు కానీ, ఆయన్ని అనూహ్యంగా అక్కడ చూసిన ఆయన అభిమానులు ఆనందంతో ఒక్కసారిగా ఆయన్ని చుట్టుముట్టారు.

ఆయనతో కరచాలనాలు చేసి, ఆయనతో ఫొటోలు దిగారు. అభిమానుల తాకిడి క్రమక్రమంగా పెరుగుతూండటంతో వారిని అదుపుచేయటం పోలీసులకు తలకు మించిన భారమే అయ్యింది. పవన్ కళ్యాణ్ తో పాటు ప్రముఖ సినీ రచయిత, దర్శకుడు త్రివిక్రమ్ శ్రీనివాస్ కూడా ఉండటం విశేషం.