English | Telugu
'లైలా కోసం' తొందరపడుతున్న నాగచైతన్య
Updated : Aug 20, 2014
అక్కినేని నాగచైతన్య తన లైలా ప్రేమను దక్కించుకోవడానికి చాలా తొందరపడుతున్నట్లు తెలుస్తోంది. ఎందుకంటే నాగచైతన్య హీరోగా నటిస్తున్న ‘ఒక లైలా కోసం’ సినిమా అనుకున్న టైమ్ కంటే ఒకవారం ముందుగా ప్రేక్షకుల ముందుకు రాబోతుంది. ఈ చిత్రాన్ని ముందుగా సెప్టెంబర్ 5న రిలీజ్ చేయాలని అనుకున్నారు. కానీ అక్కినేని అభిమానులకు కింగ్ నాగార్జున బర్త్ డే గిఫ్ట్ గా ఆగష్టు 29న ‘ఒక లైలా కోసం’ సినిమాను రిలీజ్ చేయడానికి ప్లాన్ చేసినట్లు సమాచారం. ప్రస్తుతానికి ఈసినిమా పోస్ట్ ప్రొడక్షన్ పనులు కంప్లీట్ చేసుకొని త్వరలో సెన్సార్ కు వెళ్ళనుంది. ఇండిపెండెంట్ గా ఉండాలనుకునే ఓ యువకుడు తను ప్రేమించిన అమ్మాయి కోసం ఏం చేశాడనే కథాంశంతో సినిమా తెరకెక్కుతోంది. నాగచైతన్య, పూజాహెగ్డే జంటగా నటిస్తున్న ఈచిత్రాన్ని ‘గుండె జారి గల్లంతయ్యిందే’ ఫేం విజయ్కుమార్ కొండా దర్శకత్వం వహించారు.