గత ఏడాది విడుదలై ఘనవిజయం సాధించిన భగవంత్‌ కేసరి తర్వాత ఇమ్మీడియట్‌గా బాబీ డైరెక్షన్‌లో చేస్తున్న 109వ సినిమా సెట్స్‌కి వెళ్లిపోయారు బాలకృష్ణ. నిర్విరామంగా షూటింగ్‌ జరుగుతూనే ఉంది. అయితే ఇప్పటివరకు ఎలాంటి అప్‌డేట్‌ మేకర్స్‌ నుంచి రాలేదు. తమ హీరో కొత్త సినిమా అప్‌డేట్స్‌ తెలుసుకోవాలని అభిమానులు ఎంతో ఉత్సాహంగా ఉన్నారు. అయితే ఈ సినిమాను సంక్రాంతికి రిలీజ్‌ చేస్తామని గతంలోనే చిత్ర యూనిట్‌ ప్రకటించింది. అయితే ఇప్పుడు పరిస్థితుల్లో సంక్రాంతికి ఎలా రిలీజ్‌ అవుతుంది అంటున్నారు అభిమానులు. వారు అలా అనుకోవడానికి కారణం లేకపోలేదు. బాలకృష్ణ 109 చిత్రం సంక్రాంతికి రిలీజ్‌ అవ్వదని, బాలకృష్ణకు సంబంధించిన కొన్ని కీలక సన్నివేశాలు చిత్రీకరించాల్సి ఉందనే వార్త ప్రచారంలోకి వచ్చేసింది. అయితే సోషల్‌ మీడియాలో వస్తున్న వార్తల్లో ఎలాంటి నిజం లేదని విశ్వసనీయ వర్గాల ద్వారా తెలుస్తోంది. 

ఎందుకంటే గత వారం రోజులుగా రామోజీ ఫిలిం సిటీలో సినిమాకి సంబంధించిన కీలక సన్నివేశాలు చిత్రీకరిస్తున్నారు. ఇందులో బాలకృష్ణ, బాబీ డియోల్‌ తలపడే యాక్షన్‌ సన్నివేశాలు కూడా ఉన్నాయట. అంతేకాదు, సినిమాలో ఎంతో కీలకంగా చెప్పుకునే 25 నిమిషాల ఎపిసోడ్‌ సినిమాకే హైలైట్‌ కాబోతోందని తెలుస్తోంది. సంక్రాంతికి బాలకృష్ణ 109 రిలీజ్‌ అవ్వదు అని ప్రచారం చేస్తున్నవారికి సమాధానంగా నవంబర్‌ 15 నుంచి సినిమా ప్రమోషన్స్‌ను స్టార్ట్‌  మేకర్స్‌. సినిమాకి సంబంధించిన టీజర్‌ను నవంబర్‌ 15న విడుదల చేయబోతున్నారు. ఆ టీజర్‌లోనే టైటిల్‌ను రివీల్‌ చేస్తారు. ఈ సినిమాకు ‘డాకు మహరాజ్‌’ అనే టైటిల్‌ని అనుకుంటున్నారని గతంలో వార్తలు వచ్చాయి. ప్రచారంలో ఉన్న ఆ టైటిల్‌నే ఫిక్స్‌ చేస్తున్నారని సమాచారం. నందమూరి బాలకృష్ణకు సంక్రాంతి ఎంతో సెంటిమెంట్‌. దానితోనే ఎన్నో ఘనవిజయాలు సాధించారు.