నందమూరి అభిమానులు ఎంతగానో ఎదురుచూస్తున్న రోజు రానే వచ్చింది. నందమూరి బాలకృష్ణ తనయుడు మోక్షజ్ఞ సినీ రంగ ప్రవేశానికి సంబంధించిన అధికారిక ప్రకటన వచ్చింది. (Nandamuri Mokshagna)

కొద్దిరోజుల నుంచి ప్రచారం జరుగుతున్నట్టుగానే మోక్షజ్ఞ పుట్టినరోజు సందర్భంగా నేడు (సెప్టెంబర్ 6) ఆయన డెబ్యూ మూవీ అనౌన్స్ మెంట్ వచ్చింది. 'హనుమాన్' ఫేమ్ ప్రశాంత్ వర్మ ఈ ప్రతిష్టాత్మక చిత్రానికి దర్శకుడు. ప్రశాంత్ వర్మ సినిమాటిక్ యూనివర్స్ లో భాగంగా మైథలాజికల్ యాక్షన్ ఎంటర్టైనర్ గా ఇది రూపొందనుంది. బాలకృష్ణ కుమార్తె తేజస్విని సమర్పణలో లెజెండ్ ప్రొడక్షన్స్ తో కలిసి ఎస్.ఎల్.వి. సినిమాస్ బ్యానర్ పై సుధాకర్ చెరుకూరి నిర్మిస్తున్నారు.

మూవీ అనౌన్స్ సందర్భంగా మోక్షజ్ఞకు పుట్టినరోజు శుభాకాంక్షలు తెలుపుతూ ప్రత్యేక పోస్టర్ ను విడుదల చేశారు. అందులో మోక్షజ్ఞ ఫిట్ గా, స్టైలిష్ గా పర్ఫెక్ట్ హీరో మెటీరియల్ లా ఉన్నాడు. 

'హనుమాన్'తో రూ.300 కోట్లకు పైగా గ్రాస్ అందుకొని పాన్ ఇండియా హిట్ కొట్టిన ప్రశాంత్ వర్మ.. నందమూరి వారసుడు మోక్షజ్ఞ డెబ్యూ మూవీతో ఎలాంటి సంచలనాలు సృష్టిస్తాడోనన్న ఆసక్తి నెలకొంది.