హైదరాబాద్ లో నాగచైతన్య, కాజల్ సినిమా షూటింగ్ శరవేగంగా జరుగుతూంది. వివరాల్లోకి వెళితే కామాక్షీ కళా మూవీస్ పతాకంపై, నాగచైతన్య హీరోగా, కాజల్ అగర్వాల్ హీరోయిన్ గా, అజయ్ భూయాన్ ని దర్శకుడిగా పరిచయం చేస్తూ, డి.శివప్రసాద రెడ్డి నిర్మిస్తున్న చిత్రం షూటింగ్ ఆ మధ్య బ్యాంకాక్ లోనూ, ఆ తర్వాత ఫిలిప్పీన్స్ లోనూ జరిగింది. నాగచైతన్య, కాజల్ అగర్వాల్ జంటగా నటిస్తున్న ఈ చిత్రం ప్రస్తుతం హైదరాబాద్ లోని వివిధ ప్రదేశాల్లో షూటింగ్ జరుపుకుంటోంది.

ఈ చిత్రంలో నాగచైతన్యకు అన్నయ్యగా తమిళ హీరో శ్రీరామ్ నటిస్తూందగా, శ్రీరామ్ కి జోడీగా "ప్రయాణం" ఫేం పాయల్ ఘోష్ నటిస్తూంది. ఈ చిత్రానికి ప్రముఖ సినీ మాటల రచయిత అబ్బూరి రవి సంభాషణలు సమకూరుస్తున్నారు. ఈ సినిమా షూటింగ్ కూడా దాదాపు ముగింపు దశకు చేరిందని ఫిలిం నగర్ వర్గాలంటున్నాయి. ఈ సినిమాకి ఇంకా పేరు నిర్ణయించలేదు.నాగచైతన్య హీరోగా, తమన్నా హీరోయిన్ గా నటిస్తున్న "100% లవ్" చిత్రం "మే" నెల 6 వ తేదీన ప్రేక్షకుల ముందుకు రానుంది.