ప్రముఖ అగ్ర సంగీత దర్శకుడు ఎంఎం కీరవాణి(keeravani)తనయుడు శ్రీ సింహా(sri simha)హీరోగా  2019 డిసెంబర్ 25 న క్రిస్మస్ కానుకగా వచ్చి ఘన విజయాన్ని అందుకున్న మూవీ మత్తు వదలరా. ఈ మూవీ కి సీక్వెల్ గా వినాయక చవితి కానుకగా సెప్టెంబర్ 13 న విడుదలైన మూవీ మత్తు వదలరా 2 (mattu vadalara 2)

క్రైమ్ కామెడీ కథాంశంతో విడుదలైన ఈ మూవీ విడుదలైన అన్ని చోట్ల ఘన విజయాన్ని అందుకుంది. ఇప్పుడు ఓటిటి రిలీజ్ కి సిద్ధం అయ్యింది.దీనికి సంబంధించిన స్ట్రీమింగ్ హక్కులని  నెట్ ఫ్లిక్స్  సొంతం చేసుకోగా విజయదశమి కానుకగా అక్టోబర్ 11 నుంచి  అందుబాటులోకి తీసుకొస్తున్నట్టుగా సదరు సంస్థ తెలిపింది. దీంతో ఓటిటి సినీ ప్రముఖలకి ఈ దసరా డబుల్ సంతోషాన్ని తెచ్చినట్టే.

శ్రీసింహా తో పాటు ఫరియా అబ్దుల్లా(faria abdullah)సునీల్, సత్య,వెన్నెల కిషోర్ తదితరులు ముఖ్య పాత్రల్లో చెయ్యగా కీరవాణి ఇంకో తనయుడు కాల భైరవ సంగీతాన్ని అందించాడు. మొదటి పార్ట్ కి దర్శకత్వం వహించిన రితేష్ రానా(Ritesh Rana)నే పార్ట్ 2కి కూడా దర్శకత్వం వహించాడు.క్లాప్ ఎంటర్ టైన్మెంట్ పై చిరంజీవి, హేమలత పెదమల్లు నిర్మించగా మైత్రి మూవీ మేకర్స్ రిలీజ్ చేసింది.