ప్రిన్స్ "జాయ్ అలూకాస్" యాడ్ కి త్రివిక్రమ్ దర్శకత్వం వహిస్తున్నారట. వివరాల్లోకి వెళితే ఈ మధ్య అనేక కంపెనీలకు బ్రాండ్ అంబాసిడర్ గా వ్యవహరిస్తున్న ప్రిన్స్ మహేష్ బాబు మరో కంపెనీకి బ్రాండ్ అంబాసిడర్ గా ఉండేందుకు అంగీకరించారట. అదే "జాయ్ అలూకాస్" అనే జ్యూయలరీ కంపెనీ. అంటే బంగారు నగల కంపెనీ అన్నమాట. ఈ జాయ్ అలూకాస్ కంపెనీ కోసం ప్రిన్స్ మహేష్ బాబు నటించబోయే ఎడ్వర్టైజ్ కు ప్రముఖ సినీ రచయిత, దర్శకుడు అయిన త్రివిక్రమ్ శ్రీనివాస్ దర్శకత్వం వహించనున్నారు.

యంగ్ టైగర్ యన్ టి ఆర్ "మలబార్ గోల్డ్"కంపెనీకి, యువసామ్రాట్ అక్కినేని నాగార్జున "కళ్యాణ్ జ్యూయలరీకి" బ్రాండ్ అంబాసిడర్ లుగా ఉంటే ఇప్పుడు వారికి పోటీగా ప్రిన్స్ మహేష్ బాబు "జాయ్ అలూకాస్" అనే జ్యూయలరీ కంపెనీకి బ్రాండ్ అంబాసిడర్ గా ఉండేందుకు అంగీకరించారన్నమాట. మన హీరోలు సినిమాల్లోనే అనుకుంటే బ్రాండ్ అంబాసిడర్ గా కూడా పోటీపడుతున్నారు.