ప్రిన్స్ హీరోగా సుకుమార్ చిత్రం ఫిబ్రవరి 12 న ప్రారంభం కాబోతూందని విశ్వసనీయవర్గాల ద్వారా అందిన సమాచారం. వివరాల్లోకి వెళితే 14 రీల్స్ ఎంటర్ టైన్ మెంట్స్ పతాకంపై, ప్రిన్స్ మహేష్ బాబు హీరోగా, "100% లవ్" ఫేం సుకుమార్ దర్శకత్వంలో, రామ్ ఆచంట, గోపీనాథ్ ఆచంట, అనీల్‍ సుంకర సంయుక్తంగా నిర్మిస్తున్న చిత్రం ఫిబ్రవరి 12 న ప్రారంభం కాబోతూందని తెలిసింది. ఈ చిత్రంలో హీరో ప్రిన్స్ మహేష్ బాబు కాలేజీ లెక్చరర్ పాత్రలో కనిపించనున్నారట.

ఈ చిత్ర దర్శకుడు సుకుమార్ పూర్వాశ్రమంలో లెక్కల లెక్చరర్ గా పనిచేశారు. అప్పటి నిజజీవిత సంఘటనల సమ్మేళనంగా ఈ చిత్రం నిర్మించబడుతోందని అంటున్నారు. ఈ చిత్రం పూర్తిగా వినోదాత్మకంగా ఉంటుందని తెలిసింది. ఈ చిత్రంలోని నటీనటులు, సాంకేతిక నిపుణుల వివరాలు ఇంకా తెలియాల్సి ఉంది.