విష్ణు హీరోయిన్ గా లక్స్ డ్రీమ్ గర్ల్ ని ఎన్నిక చేయనున్నారు. విష్ణు అంటే యువ హీరో మంచు విష్ణువర్ధన్. 24 ఫ్రేమ్స్ ఫిలిం ఫ్యాక్టరీ, స్ప్రింట్ తెలీ ఫిలింస్ కలసి లక్స్ డ్రీమ్ గర్ల్ టాలెంట్ సెర్చ్ నిర్వహిస్తున్నాయి. ఈ పోటీలో గెలుపొంది లక్స్ డ్రీమ్ గర్ల్ గా ఎన్నికైన అమ్మాయిని తను హీరోగా నటించబోయే తదుపరి చిత్రంలో మంచు విష్ణు వర్థన్ హీరోయిన్ గా అవకాశమిస్తారు. ఏప్రెల్ 3 వ తేదీ నుండి హైదరాబాద్ లో తాజ్‍ హోటల్లోనూ, విజయవాడలో మురళీ ఫార్ట్యూన్ లోనూ, విశాఖపట్టణంలో దసపల్లా హోట;ల్లోనూ ఈ టాలెంట్ సెర్చ్ నిర్వహిస్తారు.

సినీ పరిశ్రమలో హీరోయిన్ అవ్వాలనుకునే అమ్మాయిలు ఎవరిని కలవాలో, ఏ విధంగా హీరోయిన్ అవ్వాలో తెలియక ఇబ్బంది పడుతూంటారు. అలాంటి అమ్మాయిలకు ఇదొక సువర్ణావకాశంగా చెప్పవచ్చు. పైన పేర్కొనబడిన సెంటర్లలో ఎన్నికైన 12 మంది అమ్మాయిలతో జెమిని టి వి లో 16 ఎపిసోడ్లు చిత్రీకరిస్తారు. ఆ పోటిలో గెలుపొందిన అమ్మాయికి లక్స్ డ్రీమ్ గర్ల్ కిరీటంతో పాటు మంచు విష్ణువర్థన్ సరసన హీరోయిన్ గా అవకాశం కూడా లభిస్తుంది. ఈ కార్యక్రమానికి నటి స్నేహ మేంటర్ గానూ, యస్.గోపాల రెడ్డి, హేమంత్ మధుకర్ జడ్జిలుగానూ, నటి నిఖిత యాంకర్ గానూ వ్యవహరిస్తారు.