హీరో సూర్య త్రిపాత్రాభినయం చేసిన సినిమా 24. ఇష్క్, మనం చిత్రాలతో సూపర్ హిట్స్ కొట్టిన విక్రం కె కుమార్ డైరెక్షన్లో వచ్చిన ఈ మూవీపై భారీ అంచనాలే ఉన్నాయి. తాజాగా ఆడియోతో పాటు, మూవీ ట్రైలర్ ను కూడా రిలీజ్ చేశారు. అంచనాలకు తగ్గట్టే ట్రైలర్ కూడా ఉంది. మూడు వైభిన్నమైన పాత్రలతో సూర్య తనకు అలవాటైన రీతిలో, వైవిధ్యాన్ని పలికించాడు. టైం మెషీన్ లాంటి వాచ్ చుట్టూ కథ తిరుగుతుంది. పాతకాలంలో విలన్ గా, సైంటిస్ట్ గా, ఈ కాలంలో సైంటిస్ట్ కొడుకుగా సూర్య పాత్రలు ఉండబోతున్నాయి. నిత్యా మీనన్ పాత సూర్యతో జతకడితే, సమంత కొత్త సూర్యతో కనిపిస్తోంది. పెద్ద సూర్య వాచ్ సైంటిస్ట్ అయితే, చిన్న సూర్య వాచ్ మెకానిక్. పది నెంబర్లకు కౌంట్ డౌన్ తో ట్రైలర్ ఎండ్ అవుతుంది. ఒకే ట్రైలర్లో అనేక షాట్లు కట్ చేశారు. రెండు సార్లు చూస్తే తప్ప ట్రైలర్ పై క్లారిటీ రాదు. అంత స్పీడ్ గా షాట్స్ వెళ్లిపోతుంటాయి. ట్రైలర్ ఎండింగ్ లో విలన్ పాత్ర సూర్య, ఆయుష్మాన్ భవ అంటూ గన్ పేలుస్తున్నప్పుడు ట్రైలర్ ను ఎండ్ చేశారు. రెహమాన్ ఇచ్చిన బ్యాగ్రౌండ్ మ్యూజిక్ అద్భుతంగా ఉందని చెప్పాలి. ఓవరాల్ గా ట్రైలర్ సినిమాపై అంచనాల్ని మరింత పెంచేలా ఉంది.