పవన్ "గబ్బర్ సింగ్" ఫస్ట్ లుక్ అదుర్స్ అని చూసిన ఎవరికైనా అనిపిస్తుంది. వివరాల్లోకి వెళితే పరమేశ్వర ఆర్ట్స్ పతాకంపై, పవర్ స్టార్ పవన్ కళ్యాణ్ హీరోగా, శృతి హాసన్ హీరోయిన్ గా, హరీష్ శంకర్ దర్శకత్వంలో, బండ్ల గణేష్ నిర్మిస్తున్న విభిన్నకథా చిత్రం "గబ్బర్ సింగ్". హిందీ "దబాంగ్" ఈ "గబ్బర్ సింగ్" చిత్రానికి మాతృక. దేవీశ్రీ ప్రసాద్ సంగీతం అందిస్తున్న ఈ "గబ్బర్ సింగ్" చిత్రాన్ని ఏప్రెల్ 27 వ తేదీన విడుదల చేయటానికి నిర్మాత సన్నాహాలు చేస్తున్నారు. ప్రస్తుతం ఈ "గబ్బర్ సింగ్" చిత్రం షూటింగ్ పూనాలో జరుగుతూంది.

ఈ "గబ్బర్ సింగ్" చిత్రంలో హీరో పవర్ స్టార్ పవన్ కళ్యాణ్ ఎలా కనిపించబోతున్నాడాని ఆయన అభిమానులకూ, ప్రేక్షకులకూ ఆసక్తిగా ఉంది. అందుకు తగ్గట్టే గ్లామరస్ గా, ఒక డిఫరెంట్ స్టైల్ ఉన్న పోలీస్ ఆఫీసర్ గా, గన్ ని చాలా స్టైల్ గా పట్టుకున్న పవన్ కళ్యాణ్ స్టిల్ ప్రేక్షకులను ముఖ్యంగా పవన్ కళ్యాణ్ అభిమానులను అలరిస్తుందనటంలో ఎలాంటి సందేహం అక్కరలేదు.