మంచు వారి ఫ్యామిలీతో ఇంతకు ముందు అల్లరి నరేష్, వరుణ్ సందేశ్, తనీష్ లు కలిసి నటించారు. లేటెస్ట్ గా ఈ లిస్ట్ లోకి రాజ్ తరుణ్ పేరు చేరింది. మంచు విష్ణు, రాజ్ తరుణ్ ఇద్దరూ కలిసి ప్రేక్షకులతో ఈడో రకం, ఆడో రకం అనిపించడానికి రెడీ అవుతున్నారు. వీళ్లిద్దరికీ జంటగా సోనారిక, హెబ్బాపటేల్ నటిస్తున్నారు. ఏకే ఎంటర్ టైన్మెంట్స్ ప్రొడక్షన్ పై తెరకెక్కుతున్న ఈ మల్టీ స్టారర్ కు, నాగేశ్వరరెడ్డి దర్శకుడు. ఈరోజు మూవీ ఫస్ట్ లుక్ ను రిలీజ్ చేశారు. ఫుల్ లెంగ్త్ కామెడీ ఎంటర్ టైనర్ గా ప్రేక్షకుల్ని అలరిస్తుందని ఏప్రిల్ 14 న రిలీజ్ చేస్తామని నిర్మాతలు చెబుతున్నారు. లీడ్ పెయిర్ తో పాటు రాజేంద్రప్రసాద్, పోసాని, రఘబాబు, వెన్నెల కిషోర్, హేమ తదితరులు నటిస్తున్నారు.