మాస్ మహారాజా రవితేజ నటించిన రీసెంట్ మూవీ 'ఈగల్'. కార్తీక్ ఘట్టమనేని దర్శకత్వంలో పీపుల్ మీడియా ఫ్యాక్టరీ నిర్మించిన ఈ యాక్షన్ థ్రిల్లర్ ఫిబ్రవరి 9న ప్రేక్షకుల ముందుకు వచ్చింది. స్టైలిష్ యాక్షన్ ఫిల్మ్ గా ప్రేక్షకుల నుంచి పాజిటివ్ టాక్ తెచ్చుకున్న ఈ సినిమా మంచి వసూళ్లనే రాబట్టింది. త్వరలో ఈ సినిమా ఓటీటీలో అలరించడానికి సిద్ధమవుతోంది.

'ఈగల్' మూవీ ఓటీటీ రైట్స్ ని ఈటీవీ విన్ దక్కించుకుంది. ఈ విషయాన్ని తాజాగా అధికారికంగా ప్రకటించారు. అయితే స్ట్రీమింగ్ డేట్ ని మాత్రం రివీల్ చేయలేదు. ఇటీవల కాలంలో జయాపజయాలతో సంబంధం లేకుండా థియేటర్లలో విడుదలైన నాలుగు వారాలకే మెజారిటీ సినిమాలు ఓటీటీలోకి అడుగుపెడుతున్నాయి. 'ఈగల్' కూడా అదే బాటలో పయనించనున్నట్లు తెలుస్తోంది. మహాశివరాత్రి కానుకగా మార్చి 8 నుంచి ఈ మూవీ ఈటీవీ విన్ లో స్ట్రీమింగ్ కానుందని సమాచారం.

అనుపమ పరమేశ్వరన్, కావ్య థాపర్, నవదీప్, వినయ్ రాయ్, మధుబాల, అవసరాల శ్రీనివాస్ తదితరులు నటించిన ఈగల్ చిత్రానికి దేవ్ జాంద్ సంగీతం అందించాడు.