రామ్ చరణ్ కథానాయకుడిగా సురేందర్ రెడ్డి దర్శకత్వంలో తెరకెక్కుతున్న తమిళ సూపర్ హిట్ చిత్రం "తాని ఒరువన్" తెలుగు రీమేక్ షూటింగ్ ఇటీవలే కాశ్మీర్ షెడ్యూల్ పూర్తి చేసుకొంది. రకుల్ ప్రీత్ సింగ్ కథానాయికగా నటిస్తున్న ఈ చిత్రంలో అరవిందస్వామి ప్రతినాయక పాత్రలో కనిపించనున్నారు. 
నిజానికి ఈ సినిమా షూటింగ్ ఈపాటికే సగానికి పైగా పూర్తి కావాల్సి ఉండగా.. చెల్లెలు శ్రీజ పెళ్లి, తండ్రి రీఎంట్రీ సినిమాల బిజీలో పడి చెర్రీ షూటింగ్ కి వెళ్లలేకపోయాడు. దాంతో అనుకొన్నదానికంటే రెండు నెలలు లేట్ గా చిత్రీకరణ మొదలైంది. తొలుత ఈ చిత్రాన్ని సెప్టెంబర్ లో విడుదల చేద్దామనుకొన్నారు. కానీ.. షూటింగ్ లేట్ గా స్టార్ట్ అవ్వడంతో ఇప్పుడు సినిమా రిలీజ్ ను అక్టోబర్ కి షిఫ్ట్ చేశారు. విశ్వసనీయవర్గాల సమాచారం ప్రకారం "ధృవ" చిత్రాన్ని అక్టోబర్ 7న విడుదల చేయనున్నారని వినికిడి. మరి ఈ వార్త ఎంతవరకూ నిజమో తెలియాలంటే సినిమా యూనిట్ అఫీషియల్ కన్ఫర్మేషన్ ఇచ్చేవరకూ ఆగాల్సిందే!