జూనియర్ ఎన్టీఆర్ (Jr NTR) హీరోగా కొరటాల శివ దర్శకత్వంలో రూపొందిన మూవీ 'దేవర' (Devara). ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా నిర్మించిన ఈ చిత్రం, భారీ అంచనాలతో సెప్టెంబర్ 27న థియేటర్లలో అడుగుపెట్టింది. మొదటి షోకే డివైడ్ టాక్ తెచుకున్నప్పటికీ, టాక్ తో సంబంధం లేకుండా వసూళ్ల వర్షం కురిపించింది. యాక్షన్ సన్నివేశాలు, ఎన్టీఆర్ పర్ఫామెన్స్, డ్యాన్సులు.. అభిమానులతో పాటు మాస్ ప్రేక్షకులను ఫిదా చేశాయి. అందుకే భారీ వసూళ్లు వచ్చాయి. ఇప్పుడు ఈ యాక్షన్ డ్రామా ఓటీటీలో అలరించడానికి సిద్ధమైంది. (Devara OTT)

'దేవర' డిజిటల్ స్ట్రీమింగ్ రైట్స్ ని రికార్డు ధరకు ప్రముఖ ఓటీటీ వేదిక నెట్ ఫ్లిక్స్ సొంతం చేసుకుంది. ఇప్పుడు ఈ మూవీ ఓటీటీ స్ట్రీమింగ్ డేట్ లాక్ అయింది. నవంబర్ 8 నుంచి నెట్ ఫ్లిక్స్ లో స్ట్రీమింగ్ కానుందని సమాచారం. అంటే థియేటర్లలో విడుదలైన ఆరు వారాలకు ఓటీటీలోకి అడుగుపెడుతోంది అన్నమాట.

జాన్వీ కపూర్ హీరోయిన్ గా నటించిన 'దేవర'లో సైఫ్ అలీ ఖాన్ విలన్ గా నటించాడు. శ్రీకాంత్, ప్రకాష్ రాజ్, అజయ్, మురళి శర్మ తదితరులు ముఖ్య పాత్రలు పోషించారు. దేవరకి పార్ట్-2 కూడా ఉంది. వచ్చే ఏడాది మొదలయ్యే అవకాశముంది.