జూనియర్ ఎన్టీఆర్ (Jr NTR) ను కింగ్ ఆఫ్ ఓపెనింగ్స్ అని ఎందుకు అంటారో 'దేవర' (Devara)తో మరోసారి రుజువు అవుతోంది. ట్రైలర్ కూడా విడుదల కాకముందే అడ్వాన్స్ బుకింగ్స్ పరంగా 'దేవర' సరికొత్త రికార్డులు సృష్టిస్తోంది. (Devara Trailer)

ఎన్టీఆర్ సినిమాలకు యూఎస్ లో మంచి క్రేజ్ ఉంటుంది. జానర్ తో సంబంధం లేకుండా ఆయన సినిమాలు మంచి వసూళ్లు రాబడుతుంటాయి. ఇప్పటికే ఎన్టీఆర్ కెరీర్ లో యూఎస్ లో 1 మిలియన్ డాలర్స్ కి పైగా కలెక్ట్ చేసిన సినిమాలు ఏడు ఉండగా.. ఇప్పుడు 'దేవర' కేవలం ప్రీ సేల్స్ తోనే 1 మిలియన్ క్లబ్ లో చేరి ఎనిమిదో సినిమాగా నిలిచింది.

నార్త్ అమెరికా ప్రీ సేల్స్ పరంగా వేగంగా 1 మిలియన్ క్లబ్ లో చేరిన ఇండియన్ ఫిల్మ్ గా 'దేవర' నిలిచింది. ఇంకా ట్రైలర్ కూడా విడుదల కాకముందే 'దేవర' ఈ ఫీట్ సాధించడం విశేషం. ట్రైలర్ విడుదల తర్వాత బుకింగ్స్ మరింత పెరిగే అవకాశం కనిపిస్తోంది. మొత్తానికైతే యూఎస్ లో 'దేవర' బాక్సాఫీస్ దండయాత్ర చూడబోతున్నామని అర్థమవుతోంది.