English | Telugu
జాక్ పాట్ కొట్టిన దసరా యాక్టర్!
Updated : Nov 15, 2023
కన్నడ నటుడు దీక్షిత్ శెట్టి తెలుగు ప్రేక్షకులకు సుపరిచితమే. 'దసరా' సినిమాలో నాని స్నేహితుడి పాత్రలో నటించి మంచి గుర్తింపు తెచ్చుకున్నాడు. సూరి పాత్రలో తనదైన నటనతో తెలుగు ప్రేక్షకుల మెప్పు పొందాడు.
ఇప్పుడు దసరా నటుడు జాక్ పాట్ కొట్టినట్లు తెలుస్తోంది. దీక్షిత్ శెట్టి తెలుగులో ఓ భారీ సినిమా చేయబోతున్నాడు. ఈ సినిమా ద్వారా కిలారు ప్రేమ్ చంద్ దర్శకుడిగా పరిచయం అవుతున్నాడు. అడ్వెంచర్ మూవీగా భారీ బడ్జెట్ తో తెరకెక్కబోతున్న ఈ సినిమా రెగ్యులర్ షూటింగ్ డిసెంబర్ నుండి ప్రారంభం కానుంది.
ప్రస్తుతం కన్నడలో దీక్షిత్ శెట్టి పలు సినిమాలు చేస్తున్నాడు. అందులో 'బ్లింక్', 'కెటిఎమ్ 'కల్యాణ ప్రాప్తిరస్తు' వంటి చిత్రాలున్నాయి. ఈ చిత్రాలు తెలుగులో కూడా విడుదలయ్యే అవకాశముంది. 'దసరా'తో తెలుగులో దీక్షిత్ శెట్టికి మంచి గుర్తింపు వచ్చింది. అందుకే అతడు నటించే కన్నడ సినిమాలను తెలుగులో డబ్ చేసి విడుదల చేయడానికి ఇక్కడి నిర్మాతలు ఆసక్తి చూపిస్తున్నారు.