విలేఖరికి పూరీ ఝలక్ ఇచ్చాడు. వివరాల్లోకి వెళితే ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్‍ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ నిర్మిస్తున్న చిత్రం "బిజినెస్ మ్యాన్". ఈ "బిజినెస్ మ్యాన్" చిత్రం గురించి మీడియాకు వివరించటానికి ఈ చిత్రం యూనిట్ పాత్రికేయుల సమావేశం ఏర్పాటుచేసింది. ఆ సమావేశంలో ముందుగా దర్శకుడు పూరీ జగన్నాథ్ ప్రసంగిస్తూ ఉండగా ,ఒక విలేఖరి "మీ చిత్రంలో ఫలానా పాట వేరే భాషా చిత్రమలోని పాటకు కాపీ కదా" అని అడిగాడు.

దానికి దర్శకుడు పూరీ జగన్నాథ్ కాస్త అసహనంగా  "సార్ మనం తీసే సినిమా టెక్నాలజీనే మనది కాదు. అలాగే యారీ 3 కెమెరా తెలుగుది కాదు సార్. వేరే ఎవరో తయారు చేస్తే మనం వాడుకుంటుంన్నాం. అసలు సినిమాలే కాపీ కొడుతూంటే మీరు ఒక పాట కాపీ కొట్టటం గురించి మాట్లాతారేంటి...?సాంగ్స్ డోంట్ నీడ్ ఆర్గ్యుమెంట్స్ " అంటూ రివర్స్ లో వచ్చారు. ఎప్పుడూ చిరునవ్వుతో సహనానికి మారుపేరులా ఉండే దర్శక, నిర్మాత పూరీ జగన్నాథ్ ఇలా మాట్లాడటం మీడియాకు ఒకింత ఆశ్చర్యం కలిగించింది.