"బిజినెస్ మ్యాన్" ప్రెస్ మీట్ జనవరి 6 వ తేదీన దర్శకుడు పూరీ జగన్నాథ్ ఆఫీస్ లో జరిగింది. వివరాల్లోకి వెళితే ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్‍ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ నిర్మిస్తున్న చిత్రం "బిజినెస్ మ్యాన్". ఈ "బిజినెస్ మ్యాన్" చిత్రం గురించి మీడియాకు వివరించటానికి ఈ చిత్రం యూనిట్ పాత్రికేయుల సమావేశం ఏర్పాటుచేసింది.

ఆ సమావేశంలో ముందుగా దర్శకుడు పూరీ జగన్నాథ్ ప్రసంగిస్తూ మా "బిజినెస్ మ్యాన్" చిత్రం జనవరి 11 వ తేదీ కాకుండా జనవరి 13 వ తేదీన విడుదల చేస్తున్నాం. కారణం యు.యస్.ప్రేక్షకును దృష్టిలో ఉంచుకుని ఈ మార్పు చేయాల్సి వచ్చింది. అలాగే మా "బిజినెస్ మ్యాన్" చిత్రాన్ని తెలుగులో విడుదలైన ఓ పదిహేను రోజులతర్వాత తమిళ, మళయాళ భాషల్లో విడుదలచేయబోతున్నాం.

ఆడియోకి ఇప్పటికే ట్రెమండస్ రెస్పాన్స్ వచ్చింది.ముఖ్యంగా న్యూ ఇయర్ వేడుకల్లో కానీ పబ్బుల్లో కానీ "సారొస్తారొస్తారు" అనే పాట మారుమోగుతోంది. సినిమా విడుదలయ్యాక హెక్సా ప్లాడటినం డిస్క్ ఫంక్షన్ చేస్తాము. ఆడియో ఇంతబాగా రావటానికి కారకులైన తమన్, భాస్కరభట్లకూ నా ధన్యవాదాలు. ఈ సినిమాలో "పోకిరి" స్టైల్ డైలాగులు కానీ, కామెడీ కానీ ఆశించవద్దు.

ఈ చిత్రంలో ఆలీ, బ్రహ్మానందం లేరు.ఈ సినిమాలో కూడా యాక్షన్ ఉంటుంది. కానీ "పోకిరి" లో ఉన్నంత యాక్షన్ ఈ చిత్రంలో ఉండదు. ఈ సినిమా అంతా మహేష్ బాబే కనిపిస్తాడు. అతను నిజం చెపుతున్నాడా...? అబద్ధం చెపుతున్నాడా...? అన్నది తెలుసుకోవటం కష్టం. ఆ పాత్ర ఒక్క మహేష్ బాబు మాత్రమే చెయ్యగలిగిన టిపికల్ క్యారెక్టర్" అని అన్నారు.

ఈ సమావేశంలో ఇంకా సంగీత దర్శకుడు తమన్, గీత రచయిత భాస్జరభట్ల రవికుమార్, ఈ చిత్ర ఎగ్జిక్యూటీవ్ నిర్మాత సురేష్ రెడ్డి తదితరులు పాల్గొన్నారు.