లివర్ పూల్లో"బిజినెస్ మ్యాన్" ప్రివ్యూ యు.కె.లోని లివర్ పూల్ లో జరుగనుందని సమాచారం. వివరాల్లోకి వెళితే ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, అందాల ముంబై భామ కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ తెలుగు, తమిళ, మళయాళ భాషల్లో నిర్మిస్తున్న విభిన్నకథా చిత్రం" బిజినెస్ మ్యాన్".ఈ "బిజినెస్ మ్యాన్" చిత్రం యొక్క ప్రివ్యూని 2012 జనవరి 10 వ తేదీ రాత్రి 8.00 గంటలకు,సినీ వరల్డ్ సినిమాస్, ఎడ్జ్ లేన్, లివర్ పూల్, యల్ 13 1 ఇ డబ్ల్యూ లో జరుగనుంది.

తమన్ సంగీతం అందించిన ఈ "బిజినెస్ మ్యాన్" చిత్రం ఆడియో ఇటీవల విడుదలై విశేష ప్రేక్షకాదరణ పొందుతూంది.పూరీ జగన్నాథ్, మహేష్ బాబుల కాంబినేషన్ లో గతంలో ఐదేళ్ళ క్రితం వచ్చిన "పోకిరి" ఎంత పెద్ద హిట్టో అందరికీ తెలిసిందే. మళ్ళీ అదే కాంబినేషన్ లో వస్తున్న ఈ "బిజినెస్ మ్యాన్" చిత్రమ మూడు భాషల్లో విడుదల కావటంతో ఇది ఎంత బిజినెస్ చేస్తుందోనని సినీ పండితులు ఆసక్తిగా ఎదురుచూస్తున్నారు. ఈ "బిజినెస్ మ్యాన్" చిత్రమ సూపర్ హిట్ కావాలని కోరుకుందాం.