నందమూరి హీరోలు బాబాయ్ బాలకృష్ణ, అబ్బాయ్ జూనియర్ ఎన్టీఆర్ బాక్సాఫీస్ వార్ కి దిగబోతున్నారు. వీరు నటించిన రెండు సినిమాలు ఒకేసారి రీరిలీజ్ అవుతున్నాయి. పైగా ఆ రెండు కూడా ఇండస్ట్రీ హిట్స్ కావడం విశేషం.

మార్చి 1న ఎన్టీఆర్ 'సింహాద్రి', మార్చి 2న బాలకృష్ణ 'సమరసింహారెడ్డి' రీరిలీజ్ కాబోతున్నాయి. అప్పట్లో ఈ రెండు సినిమాలు కూడా బాక్సాఫీస్ దగ్గర సరికొత్త రికార్డులు సృష్టించాయి. 'సింహాద్రి' సినిమా తారక్ ని తిరుగులేని మాస్ హీరోగా నిలబెడితే.. 'సమరసింహారెడ్డి' చిత్రం అప్పటికే బిగ్ స్టార్ గా ఉన్న బాలయ్య రేంజ్ ని మరో స్థాయికి తీసుకెళ్లింది. అంతటి విజయాలు సాధించిన ఈ సినిమాలు ఒకే సమయంలో రీరిలీజ్ అవుతుండటం ఆసక్తికరంగా మారింది. 

టాలీవుడ్ లో కొంతకాలంగా రీరిలీజ్ ల ట్రెండ్ నడుస్తోంది. పలు సినిమాలు రీరిలీజ్ లోనూ అదిరిపోయే వసూళ్లతో సత్తా చాటాయి. వాటిలో ఎన్టీఆర్ 'సింహాద్రి', బాలకృష్ణ 'చెన్నకేశవరెడ్డి' కూడా ఉన్నాయి. అయితే 'సింహాద్రి' రీరిలీజ్ అయ్యి కనీసం ఏడాది కూడా కాకముందే.. మళ్ళీ విడుదల చేస్తుండటంపై అభిమానులు పెదవి విరుస్తున్నారు.