బాలయ్యతో భట్టివిక్రమార్క రీమేక్ చేయటానికి సన్నాహాలు జరుగుతున్నాయని విశ్వసనీయవర్గాల ద్వారా అందిన సమాచారం. వివరాల్లోకి వెళితే యువరత్న నందమూరి బాలకృష్ణ హీరోగా, దర్శకేంద్రుడు కె.రాఘవేంద్రరావు దర్శకత్వంలో, యలమంచిలి సాయిబాబు ఒక చిత్రాన్ని నిర్మించేందుకు సన్నాహాలు చేస్తున్నారట. గతంలో యన్.టి.ఆర్. విక్రమార్కుడిగా, కాంతారావు భట్టిగా, అంజలీదేవి, యస్.వి.రంగారావు, రేలంగి వెంకట్రామయ్య తదితరులు ప్రథాన పాత్రల్లో నటించగా వచ్చిన గొప్ప జానపద చిత్రం "భట్టి విక్రమార్క". ఈ చిత్రం అప్పట్లో సంచలన విజయం సాధించింది.

ప్రస్తుతం అదే సినిమాని యలమంచిలి సాయిబాబు బాలయ్యతో పునర్నిర్మించే పనిలో ఉన్నారు. రాఘవేంద్రరావు ప్రస్తుతం నాగార్జున హీరోగా "శిరిడి సాయి" అనే చిత్రాన్ని రూపొందిస్తున్నారు.ఈ చిత్రం పూర్తికాగ్గానే ఈ "భట్టి విక్రమార్క" చిత్రం ప్రారంభమవుతుందట.