చిన్న సినిమా అయినా పెద్ద సినిమా అయినా  కంటెంట్  బాగుంటే ప్రేక్షకాదరణ పొందుతుంది. హీరో ఎవరనేది కూడా అవసరం లేకుండా పోయింది. కాకపోతే పెద్ద హీరో అయితే ఓపెనింగ్ కలెక్షన్స్ వస్తాయి. ఆ తర్వాత  మౌత్ టాక్ బాగోకపోతే పలాయనం చిత్తగించవలసిందే.. ఇందుకు ఉదాహరణగా ఇటీవల ఎన్నో బడా సినిమాలు వచ్చాయి. ఇలాంటి టైం లో చిన్న సినిమాగా వచ్చి సంచలన విజయం సాధించిన మూవీ అంబాజీపేట మ్యారేజి బ్యాండు. ఇప్పుడు ఈ మూవీకి సంబంధించిన  లేటెస్ట్ న్యూస్  ఒకటి వచ్చింది

సుహాస్ హీరోగా  వచ్చిన అంబాజీపేట మ్యారేజి బ్యాండు మొన్నఫిబ్రవరి 2 న థియేటర్స్ లోకి అడుగుపెట్టింది. చూసిన వాళ్ళందరూ బాగుందనే కితాబుని ఇచ్చారు.  కలెక్షన్లు కూడా బాగానే రాబట్టింది. ఆ తర్వాత  మార్చి 1 న  ఓటిటి లో కూడా  విడుదల అయ్యి మంచి విజయం సాధించింది. ఇప్పుడు టెలివిజన్ ప్రీమియర్ గా అడుగుపెట్టనుంది. ప్రముఖ టెలివిజన్ ఛానల్  స్టార్ మా లో  ఏప్రిల్ 28 2024 న మధ్యాహ్నం ఒంటి  గంటలకు  ప్రసారం కానుంది. ఈ వార్త సినీ ప్రియుల్లో ఆనందాన్ని తెస్తుంది.

ఐశ్వర్య రాజేష్,  శివాని నాగారం, శరణ్య ప్రదీప్, గోపరాజు రమణ కీలక పాత్రల్లో నటించారు. జి ఏ 2 బ్యానర్ పై బన్నీ వాసు నిర్మించాడు.ధీరజ్ మొగిలినేని మరో నిర్మాతగా వ్యవహరించాడు.  శేఖర్ చంద్ర సంగీతాన్ని అందించగా   దుష్యంత్ కటికనేని దర్శకత్వం వహించాడు.మరి బుల్లి తెరపై ఏ విధమైన ఆదరణ పొందుతో చూడాలి.