అల్లు అర్జున్, త్రివిక్రమ్ శ్రీనివాస్ ల కాంబినేషన్ లో ఒక చిత్రం రాబోతోందని విశ్వసనీయ వర్గాల ద్వారా అందిన సమాచారం. అల్లు అర్జున్ "బద్రీనాథ్"సినిమా చేస్తున్నప్పుడే త్రివిక్రమ్ శ్రీనివాస్ ఈ చిత్రం కథ చెప్పారనీ, అందుకు అల్లు అర్జున్ తన వివాహం కాగానే ఈ చిత్రం గురించి ఆలోచిద్దామని త్రివిక్రమ్ శ్రీనివాస్ కి చెప్పినట్లు సమాచారం. నిజానికి ఈ కథని త్రివిక్రమ్ శ్రీనివాస్ ముందుగా హీరో విక్టరీ వెంకటేష్ కి చెప్పగా ఆయనకి ఈ కథ నచ్చి ఈ మువీలో నటించటానికి అంగీకరించారట.

కానీ ఆయన తేజ దర్శకత్వంలో "సావిత్రి" సినిమా చేస్తూండటంతో, ఆ సినిమా పూర్తయ్యేవరకూ త్రివిక్రమ్ శ్రీనివాస్ ఆగలేక ఈ కథనే అల్లు అర్జున్ కి చెప్పటంతో ఈ సినిమా లైన్లోకి వచ్చినట్లు తెలిసింది. అల్లు అర్జున్, త్రివిక్రమ్ సినిమాలో హీరోయిన్ గా ఇలియానా నటిస్తుందని సమాచారం.అలాగే అల్లు అర్జున్, త్రివిక్రమ్ సినిమాని ప్రముఖనిర్మాత డి.వి.వి.దానయ్య నిర్మించనున్నారు. ఈ అల్లు అర్జున్, త్రివిక్రమ్ శ్రీనివాస్ ల కాంబినేషన్ లో రాబోయే మూవీ ఏప్రెల్ నెలలో ప్రారంభమయ్యే అవకాశాలున్నాయి.