అల్లు అర్జున్ ఫేస్ బుక్ కు పిచ్చ ఫాలోయింగ్ ఉంది. ఇలా పోస్ట్ లు పెట్టాడో లేదో అలా లక్షల లైకులు వచ్చేస్తాయి. ఏకంగా కోటి మందికి పైగా ఫాలోవర్లు ఉన్న ఫేస్ బుక్ ఎకౌంట్ అల్లు వారబ్బాయిది. లేటెస్ట్ గా తన కొడుకు అల్లు అయాన్ కు, భార్యతో కలిసి ముద్దు పెడుతూ ఉన్న ఫోటోను బన్నీ తన ఫేస్ బుక్ లో షేర్ చేశాడు. పోస్ట్ చేసిన గంటకే ఆ ఫోటోకు లక్షన్నర లైకులు కుప్పలు తెప్పలుగా వచ్చిపడిపోయాయి. టాలీవుడ్, మల్లూవుడ్ లలో సూపర్ స్టార్ స్టేటస్ ఉన్న బన్నీకి ఈమాత్రం లైకులు రావడంలో ఆశ్చర్యం లేదులెండి.

ఇప్పటికే సరైనోడు టీజర్ తో అభిమానులతో పాటు సినీ జనాన్ని కూడా వెయిటింగ్ చేయిస్తున్న బన్నీ బాబు, ఇలాంటి చిన్న చిన్న గిఫ్ట్ లతో ఫ్యాన్స్ ను అలరిస్తున్నాడు. ప్రస్తుతం ఐదు లక్షల లైకులకు దగ్గర పడుతోందీ ఫోటో. ఇంతకీ ఈ ఫోటోలో వెనక డెకరేషన్ చూస్తే ఏమైనా అనిపిస్తోందా..? మీ గెస్ కరెక్టే. శ్రీజ పెళ్లి హడావిడిలో దిగిన ఫోటో ఇది. మరో పక్క, మా అయాన్ భలే ముద్దుగా ఉన్నాడంటూ మురిసిపోతున్నారు బన్నీ అభిమానులు. బన్నీ కంటే, స్నేహ పోలికలే అయాన్ లో ఎక్కువగా కనిపిస్తున్నాయి కదూ..మీరేమంటారు.?