English | Telugu
బన్నీ అక్కడా దున్నేస్తున్నాడు
Updated : Apr 25, 2015
మలయాళంలో అల్లు అర్జున్కి ఉన్న క్రేజ్ గురించి ప్రత్యేకంగా చెప్పక్కర్లేద్దు. ఇక్కడ యావరేజ్గా ఆడిన బన్నీ సినిమాలు కూడా అక్కడ హిట్టయ్యాయి. ఇప్పుడు సన్నాఫ్ సత్యమూర్తి కూడా మలయాళంలో హిట్టయ్యే ఛాన్సులున్నాయి. శుక్రవారం ఈ సినిమా మలయాళంలో విడుదలైంది. మలయాళంలో పేరున్న హీరోల సినిమాలకు చేసే పబ్లిసిటీ ఈ సినిమాకీ చేశారు. బన్నీ స్వయంగా వెళ్లి అక్కడ ప్రమోషన్ కార్యక్రమాల్లో పాల్గొన్నాడు. ఎక్కువ థియేటర్లలో విడుదల చేశారు. తొలి రోజు అన్నిచోట్లా హౌస్ఫుల్ వసూళ్లు అందుకొందీ చిత్రం. బన్నీ, నిత్యమీనన్, ఉపేంద్ర, స్నేహా.. వీళ్లంతా అక్కడ తెలిసిన మొహాలే. అందుకే ఈ సినిమాకి అన్ని కలెక్షన్లొచ్చాయి. తొలి రోజు మలయాళంలో ఈ సినిమాకి రూ.3 కోట్ల వరకూ వసూళ్లు దక్కే అవకాశాలున్నాయని తెలుస్తోంది.