ఇప్పటి వరకూ 2016లో వచ్చిన తెలుగు సినిమాల్లో సంక్రాంతి రేస్ లో యాభై కోట్లకు పైగా కుమ్మేసుకున్న సోగ్గాడే చిన్ని నాయనా, నాన్నకు ప్రేమతో సినిమాలే భారీ హిట్లు. లేటెస్ట్ గా ఫ్లాప్ టాక్ తో మొదలైన సరైనోడు ఈ రెండు సినిమాల్ని కొడుతుందని ఎవరూ అనుకోలేదు. కానీ అదే జరిగింది. ఈ ఏడాది వచ్చిన తెలుగు సినిమాల్లో బిగ్గెస్ట్ హిట్ గా సరైనోడు నిలిచింది. స్టైలిష్ స్టార్ స్టైల్ కు, మాస్ డైరెక్టర్ బోయపాటి మాస్ తోడవడంతో, సెన్సేషన్ క్రియేట్ చేస్తోంది సరైనోడు. పదిరోజుల్లోనే 53 కోట్లకు పైగా వసూలు చేసిన సరైనోడు, 60 కోట్ల క్లబ్ వైపు శరవేగంగా దూసుకెళ్తోంది. మొదటి రోజు వచ్చిన డివైడ్ టాక్ కు, సినిమా బ్రేక్ ఈవెన్ కూడా కష్టమే అని అంచనా వేశాయి ట్రేడ్ వర్గాలు. కానీ సరైన పోటీ లేకపోవడం, మూవీ టీం ప్రమోషన్ల జోరు పెంచడం మూవీకి బాగా ప్లస్సయింది. బ్రహ్మోత్సవం వచ్చే వరకూ సూర్య సినిమా తప్పితే, సరైనోడికి పెద్ద పోటీ లేదు. ఈ నెల 13న మళయాళంలో కూడా సినిమాను రిలీజ్ చేస్తున్నాడు బన్నీ. మరి 60 కోట్ల క్లబ్బును దాటేస్తాడా, లేదో చూడాలి.