అల్లు అర్జున్ చిత్రం పేరు "హనీ" కాదట. వివరాల్లోకి వెళితే స్టైలిష్ స్టార్ అల్లు అర్జున్ హీరోగా, నలకనడుము గోవా సుందరి ఇలియానా హీరోయిన్ గా, స్టార్ రైటర్ కమ్ డైరెక్టర్ త్రివిక్రమ్ శ్రీనివాస్ దర్శకత్వంలో, డి.వి.వి.దానయ్య నిర్మిస్తున్న విభిన్నప్రేమకథా చిత్రం "హనీ". కానీ ఈ "హనీ" అనే పేరుని తాము తమ చిత్రానికి నిర్ణయించలేదని ఈ చిత్రం యూనిట్ అంటూందట. ఈ "హనీ" అనే పేరేదో అమ్మాయిని సంబోధిస్తున్నట్లుగా ఉందని అనుకుని ఈ చిత్రం యూనిట్ బహుశా ఆ అభిప్రాయానికి వచ్చుంటుంది.

అల్లు అర్జున్ "బద్రీనాథ్" వంటి ఫ్లాప్ తర్వాత హీరోగా నటిస్తున్న సినిమా ఇదే గనుక ఈ చిత్రం హిట్టవటం అతని అత్యవసరం. అలాగే మహేష్ బాబు హీరోగా వచ్చిన "ఖలేజా" చిత్రం కూడా ఆశించిన స్థాయిలో విజయం సాధించక పోవటంతో దర్శకుడు త్రివిక్రమ్ శ్రీనివాస్ కి కూడా ఈ చిత్రం హిట్టవటం అంతే ముఖ్యం.