నందమూరి నటసింహం యువరత్న బాలకృష్ణ(balakrishna)బోయపాటి కాంబోలో 2021 లో వచ్చిన అఖండ మూవీ ఎంత పెద్ద విజయాన్ని అందుకుందో తెలిసిందే. దీంతో పార్ట్ 2 ఎప్పుడు మొదలవుతుందా అని అభిమానులతో పాటు ప్రేక్షకులు కూడా ఎంతగానో ఎదురుచూస్తూ వస్తున్నారు.

 ఈ నేపథ్యంలో ఈ రోజు అఖండ 2 పూజా కార్యక్రమాలతో చాలా గ్రాండ్ గా ప్రారంభమయ్యింది. ఆద్యంతం ఎంతో ఉత్సాహంగా జరిగిన ఈ కార్యక్రమంలో బాలకృష్ణతో పాటు ఆయన ఇద్దరి కూతుళ్లు బ్రాహ్మణి(brahmani)తేజశ్వని(Tejaswini Nandamuri)దర్శకుడు బోయపాటి శ్రీను(boyapati srinu)నిర్మాతలు, సంగీత దర్శకుడు థమన్(thaman)మరియు నందమూరి అభిమానులు పెద్ద ఎత్తున పాల్గొన్నారు.ఇక బాలకృష్ణ మీద చిత్రీకరించిన మొదటి షాట్ కి బ్రాహ్మణి క్లాప్ కొట్టగా బాలకృష్ణ చాలా ఆవేశపూరితంగా చెప్పిన డైలాగ్ తో షూటింగ్ కి వెళ్ళబోతున్నారు.

ఉగ్ర భూతాలు ఊరి మీద పడితే, చూస్తూ ఊరుకోవడానికి ఈ నేల అసురుడిది కాదు, ఈశ్వరుడిది పరమేశ్వరుడిది. కాదని దాన్ని తాకితే జరిగేది తాండవం కాదు, అఖండ తాండవం అని కళ్ళెర్ర చేసి   ఆవేశంతో బాలయ్య  డైలాగ్ చెప్పడంతో అఖండ మొదటి భాగాన్ని మించి రెండవ భాగం ఉండబోతుందని అర్ధమవుతుంది.సోషల్ మీడియాలో కూడా ఈ డైలాగ్ రికార్డు వ్యూయర్స్ తో ముందుకు దూసుకుపోతుంది.