వెంకీ జన్మదినాన "బాడీ గార్డ్" ఆడియో రిలీజ్ అత్యంత వైభవంగా, అశేష అభిమానుల సమక్షంలో,పలువురు సినీ ప్రముఖుల సమక్షంలో హైదరాబాద్ శిల్పకళా వేదికపై ఘనంగా జరిగింది. ఈ "బాడీ గార్డ్" చిత్రాన్ని ముందుగా మళయాళంలో దిలీప్ హీరోగా తీయగా, తదుపరి తమిళంలో విజయ్ హీరోగా, తర్వాత హిందీలో సల్మాన్ ఖాన్ హీరోగా నిర్మించారు. ప్రస్తుతం శ్రీ సాయిగణేష్ ప్రొడక్షన్స్ పతాకంపై, విక్టరీ వెంకటేష్ హీరోగా, త్రిష హీరోయిన్ గా, మలినేని గోపీచంద్ దర్శకత్వంలో, బెల్లంకొండ సురేష్ నిర్మిస్తున్నారు.

ఈ "బాడీ గార్డ్" చిత్రానికి తమన్ సంగీతాన్ని అందిమచారు. ఈ "బాడీ గార్డ్" చిత్ర్రం ఆడియో విడుదలకు మూవీ మొగల్ డాక్టర్ డి. రామానాయుడు, యంగ్ రెబెల్ స్టార్ ప్రభాస్, తమిళ యువ హీరో కార్తీ, యువ హీరో రానా, వి.వి.వినాయక్, హీరోయిన్ త్రిష, అక్ష వంటి సినీ ప్రముఖులు హాజరయ్యారు. ఈ "బాడీ గార్డ్" చిత్రం 2012 జనవరి నెలలో సంక్రాంతి పండుగ సందర్భంగా విడుదల కానుంది.