English | Telugu
వెంకీ "షాడో" కామెడీ ఎంటర్ టైనర్- కోన వెంకట్
Updated : Jan 30, 2012
వెంకీ "షాడో" కామెడీ ఎంటర్ టైనర్ అని ప్రముఖ సినీ రచయిత కోన వెంకట్ అన్నారు. వివరాల్లోకి వెళితే యునైటెడ్ మూవీస్ పతాకంపై, విక్టరీ వెంకటేష్ హీరోగా, తాప్సీ, రీచా గంగోపాథ్యాయ హీరోయిన్లుగా, మెహెర్ రమేష్ దర్శకత్వంలో, పరుచూరి కిరీటి నిర్మిస్తున్న చిత్రం"షాడో". ఈ "షాడో" చిత్రం ఇటీవల రామానాయుడు స్టుడియోలో ఘనంగా ప్రారంభమయ్యింది. ఈ చిత్రం గురించి ప్రముఖ సినీ రచయిత కోన వెంకట్ తన ట్విట్టర్ లో ఈ విధంగా రాశారు.
"షాడో చిత్రంలో హీరో విక్టరీ వెంకటేష్ మాఫియా డాన్ గా నటిస్తున్నారు. ఆయన పాత్ర మాఫియా డాన్ గా సీరియస్ ఉంటూనే, నవ్విస్తూంటుందట. ఈ "షాడో" చిత్రం పూర్తి స్థాయి కామెడీ ఎంటర్ టైనర్ గా ప్రేక్షకులను అలరిస్తుంది." ఈ మాటలను బట్టి చూస్తే ఈ "షాడో" చిత్రం ష్యూర్ షాట్ హిట్టనిపిస్తుంది. అనిపించటమేమిటి...అవ్వాలని ఆశిద్దాం...