స్టీల్ సిటి వైజాగ్ లో రవితేజ "వీర" చిత్రం యొక్క షూటింగ్ శరవేగంగా జరుగుతూంది. శాన్వి ప్రొడక్షన్స్ ప్రైవేట్ లిమెటెడ్ పతాకంపై, రమేష్ వర్మ దర్శకత్వంలో, రవితేజ హీరోగా, గణేష్ ఇందుకూరి ఈ "వీర" చిత్రాన్ని నిర్మిస్తున్నారు. ఈ రవితేజ "వీర" చిత్రంలో కాజల్ అగర్వాల్, తాప్సి హీరోయిన్లుగా నటిస్తున్నారు. విశాఖపట్టణంలో హీరో రవితేజ హీరోయిన్ తాప్సిల మీద కొన్ని ముఖ్యమైన సీన్లనూ, రెండు యాక్షన్ సీన్లనూ చిత్రీకరిస్తున్నారు. ఈ చిత్ర దర్శకుడు రమేష్ వర్మ గతంలో "రైడ్" అనే చిత్రానికి దర్శకత్వం వహించారు. ఈ రవితేజ "వీర" చిత్రంలో "కిక్" చిత్రంలో నటించిన తమిళ నటుడు శ్యామ్ కూడా ఒక ముఖ్యపాత్రలో నటిస్తున్నారు.

ఈ రవితేజ "వీర" చిత్రంలో హీరో రవితేజ ద్విపాత్రాభినయం చేస్తున్నారు. ఒక పాత్ర "విక్రమార్కుడు" చిత్రంలోని విక్రమ్ రాథోడ్ వంటి శక్తివంతమైన పాత్ర కాగా, మరొకటి సరదాగా ఉండే పాత్ర అని ఫిలిం నగర్‍ వర్గాల కథనం. ఈ రవితేజ "వీర" చిత్రానికి తమన్.యస్. సంగీతాన్ని అందిస్తున్నారు. ఈ రవితేజ "వీర" చిత్రంలో ఇంకా ప్రకాష్ రాజ్, రోజా, నాగబాబు, బ్రహ్మానందం, రాహుల్ దేవ్, ధర్మవరపు సుబ్రహ్మణ్యం తదితరులు నటిస్తున్నారు. ఈ చిత్రానికి సినిమాటోగ్రఫీని ఛోటా.కె.నాయుడు నిర్వహిస్తూండగా, గౌతం రాజు ఎడిటింగ్ నిర్వహిస్తున్నారు.