మెగాస్టార్ చిరంజీవి కథానాయకుడిగా మల్లిడి వశిష్ట దర్శకత్వంలో రూపొందుతోన్న చిత్రం 'విశ్వంభర'. యూవీ క్రియేషన్స్ భారీ బడ్జెట్ తో నిర్మిస్తున్న ఈ సోషియో ఫాంటసీ ఫిల్మ్ లో త్రిష కథానాయికగా నటిస్తోంది. ఎం.ఎం. కీరవాణి సంగీతం అందిస్తున్న ఈ చిత్రం 2025 సంక్రాంతికి ప్రేక్షకుల ముందుకు రానుంది. 

"లెజెండరీ మార్నింగ్" అంటూ తాజాగా హీరోయిన్ త్రిష సోషల్ మీడియా వేదికగా రెండు ఫొటోలను పంచుకుంది. ఆ ఫొటోలతో కీరవాణి, చిరంజీవి సోఫాలలో కూర్చొని ఉండగా.. త్రిష ఫ్లోర్ మీద మోకాళ్లపై కూర్చొని ఉంది. ఆ ఫోటోలు పెద్దల పట్ల త్రిషకి ఉన్న గౌరవాన్ని తెలియజేస్తున్నాయి. అలాగే త్రిషను చిరంజీవి ఆప్యాయంగా దగ్గరకు తీసుకోవడం గమనించవచ్చు. ప్రస్తుతం ఈ ఫొటోలు సోషల్ మీడియాలో వైరల్ గా మారాయి. త్రిష ఎంతో అందంగా ఉందంటూ అభిమానులు కామెంట్స్ పెడుతున్నారు.