English | Telugu
సూర్యకి మాటిచ్చిన రాజమౌళి?
Updated : Jun 25, 2015
బాహుబలి తరవాత రాజమౌళి ఏం చేస్తాడన్నదానిపై రకరకాల వార్తలొస్తున్నాయి. పార్ట్ 2 పనిచూసే ముందు రాజమౌళి ఓ సినిమా చేస్తే... అది ఎవరితో అనే..? ఆసక్తి నెలకొంది. తాజా సమాచారం ప్రకారం రాజమౌళి - సూర్య సినిమా పట్టాలెక్కే అవకాశం ఉందని తెలుస్తోంది.
సూర్య అంటే రాజమౌళికి, రాజమౌళి అంటే సూర్యకు ప్రత్యేకమైన అభిమానం. దానికి తోడు `బాహుబలి`ని సూర్య కూడా తెగ మోస్తున్నాడు. ఇలాంటి సినిమాలో నాకూ ఓ చిన్న పాత్ర ఇవ్వండి అంటూ రాజమౌళిని కూడా అడిగేశాడు. అంతేనా..?? తమిళంలో సూర్యనే ఈ సినిమాని రిలీజ్ చేస్తున్నాడు. అందుకే `నా తదుపరి సినిమా మీతోనే` అని సూర్యకి రాజమౌళి మాటిచ్చినట్టు టాక్.
సూర్యకి తెలుగులో నేరుగా ఓ సినిమా చేయాలనే ఆలోచన ఎప్పటి నుంచో ఉంది. అయితే కథలు, దర్శకులు సెట్ అవ్వడం లేదు. రాజమౌళి లాంటి దర్శకుడు ఆఫర్ ఇస్తే.. సూర్య ఎందుకు కాదంటాడు..? సో.. ఈ ప్రాజెక్టు దాదాపుగా పక్కా అయినట్టే.