మహేష్ బాబు(mahesh babu)హీరోగా వచ్చిన స్పైడర్ మూవీ ద్వారా తెలుగుప్రేక్షకులకి పరిచయమైన తమిళ  నటుడు ఆర్ జే బాలాజీ(rj balaji)ఆ తర్వాత పలు చిత్రాల్లో వివిధ క్యారెక్టర్స్ చేసిన బాలాజీ తమిళంలో స్టార్ హీరోయిన్ నయనతార ప్రధాన పాత్రలో'ముక్తి అమ్మన్' అనే  సినిమాని తెరకెక్కించాడు. 2020 లో వచ్చిన ఆ మూవీ మంచి విజయాన్ని అందుకోవడమే కాకుండా దర్శకుడుగా బాలాజీ కి మంచి పేరుని తీసుకొచ్చింది.ఇప్పుడు ఈ మూవీకి సీక్వెల్ తెరకెక్కనుండగా సుందర్.సి దర్శకత్వం వహిస్తున్నాడు.

ఇప్పుడు ఈ విషయంపై బాలాజీ మాట్లాడుతూ 'ముక్తి అమ్మన్' కథ ని నేను రాయటంతో పాటుగా నయనతార(nayanthara)ని ప్రధాన పాత్ర చేసుకొని తెరకెక్కించాను. దీంతో సీక్వెల్ కి కూడా నేనే దర్శకత్వం వహిస్తానని అందరు అనుకున్నారు.కాకపోతే  సీక్వెల్ పై నాకు పెద్దగా ఆసక్తి లేదు. నయన్ వద్ద ఉన్న ఐడియాకి నేను సెట్ అవ్వనని అనిపించింది. ఈ క్రమంలోనే ఆవిడ  సుందర్ గారితో చేస్తుంది.అంతే తప్ప మా ఇద్దరి మధ్య క్రియేటివిటి విషయంలో ఎలాంటి విభేదాలు తలెత్తలేదు.

నన్ను ఈ పరిశ్రమకి పరిచయం చేసింది సుందర్ గారే. అలాంటిది నా సినిమా సీక్వెల్ కోసం ఆయన పని చేస్తున్నందుకు ఎంతో ఆనందంగా ఉంది. ఏది జరిగినా మన మంచికే అనుకోవాలి. ప్రస్తుతం సూర్యతో ఒక కొత్త మూవీ ని డైరెక్ట్ చేయబోతున్నాను. ధనుష్(dhanush)నయన్ ల మధ్య లేటెస్ట్ గా జరిగిన వివాదాన్ని నెటిజెన్స్ వినోదంగా చూస్తున్నారు.ఆ ఇద్దరే ఆ వివాదానికి ముగింపు ఇవ్వాలని చెప్పుకొచ్చాడు.