మహేష్ బాబు హీరోగా, మణిరత్నం దర్శకత్వంలో రాబోయే తెలుగు, తమిళ, హిందీ మూవీలో రీచా గంగోపాథ్యాయ హీరోయిన్ గా ఎన్నికయ్యిందని ఫిలిం నగర్ వర్గాల కథనం. "పొన్నియన్ సెల్వన్" అనే తమిళ చారిత్రక నవలకు వెండి తెర రూపం ఇస్తూ మణిరత్నం దర్శకత్వం వహిస్తుండగా నిర్మిస్తున్న చిత్రంలో "లీడర్" ఫేం రీచా గంగోపాథ్యాయ హీరోయిన్ గా మహేష్ బాబు సరసన బుక్కయ్యిందని విశ్వసనీయ వర్గాల ద్వారా అందిన సమాచారం.

ఈ విషయం గురించి రిచా గంగోపాథ్యాయను అడగ్గా తాను తెలుగు, తమిళ, హిందీ భాషల్లో నిర్మిస్తున్న ఒక చిత్రంలో హీరోయిన్ గా నటించేందుకు అంగీకరించాననీ ఇది తనకు సువర్ణావకాశమని, ఆ చిత్రానికి సంబంధించిన వివరాలు త్వరలో మీడియాకు తెలియజేస్తాననీ రీచా గంగోపాథ్యాయ మీడియాతో అంది. గతంలో ఈ పాత్ర కోసం అనుష్కను అనుకున్నారట. కానీ ఆమెకు డేట్లు కుదరక ఈ చిత్రం వదులుకోవలసి వచ్చింది. ఈ చిత్రం తమిళ వెర్షన్ లో విజయ్, ఆర్య నటిస్తూండగా, తెలుగులో మహేష్ బాబు, రిచా గంగోపాథ్యాయ నటిస్తున్నారు.