మహేష్ బాబు, మణిరత్నం సినిమా ఆగిందట. వివరాల్లోకి వెళితే తమిళ నవల "పొన్నియన్ సెల్వన్" ఆధారంగా మణిరత్నం దర్శకత్వంలో, తమిళ, తెలుగు, హిందీ భాషల్లో రూపుదిద్దుకోనున్న చిత్రం కొన్ని అనివార్య కారణాల వల్ల ఆగిందని కోలీవుడ్ వర్గాల ద్వారా అందిన సమాచారం. ఈ సినిమాకి 100 కోట్ల భారీ బడ్జెట్ ఖర్చవుతుంది. ఈ సినిమాకయ్యే భారీ బడ్జెట్ ను ఖర్చు పెట్టేందుకు ఏ ఫైనాన్సియరూ, ఏ కార్పొరేట్ కంపెనీ ముందుకు రావట్లేదనీ, అందుకనే మణిరత్నం ఈ సినిమాని ఆపేయాల్సి వచ్చిందనీ వినికిడి.

మణిరత్నం ఈ సినిమాకంటే ముందు తెలుగులో "విలన్" అనీ, తమిళ, హిందీ భాషల్లో "రావణ్" అనీ నిర్మించిన చిత్రం పెద్ద డిజాస్టర్ గా మిగిలింది. ఆ సినిమా ప్రభావం ఈ సినిమా మీద పడిందని తమిళ పత్రికలంటున్నాయి. ఒక వేళ ఈ చిత్రం మొదలైతే ఈ చిత్రం తెలుగు, హిందీ వెర్షన్ లలో మహేష్ బాబు, తమిళ వెర్షన్ లో విజయ్ నటించేవారు. ఈ సినిమా మణిరత్నం తీసినట్లయితే ఒక భారీ చారిత్రాత్మక చిత్రంగా చరిత్రలో నిలిచిపోయేదట.