"మిస్టర్ నోకియా" మనోజ్ కు యాక్సిడెంట్ జరిగిందని విశ్వసనీయవర్గాల ద్వారా అందిన సమాచారం. వివరాల్లోకి వెళితే శ్రీశైలేంద్ర సినిమా పతాకంపై, రాకింగ్ స్టార్ మంచు మనోజ్ కుమార్ హీరోగా, కృతి కర్బంద, సనాఖాన్ హీరోయిన్లుగా, అని దర్శకత్వంలో, దమ్మాలపాటి శ్రీనివాసరావు నిర్మిస్తున్న సినిమా "మిస్టర్ నోకియా". "మిస్టర్ నోకియా" మనోజ్ కు యాక్సిడెంట్ అంతే అదేదో కారు యాక్సిడెంటో మరొకటో అనుకున్నారంటే తప్పులో కాలేసినట్లే.

"మిస్టర్ నోకియా" సినిమాలోని యాక్షన్ సీన్ షూట్ చేస్తుంటే డ్యూప్ లేకుండా ఆ సీన్లో నటిస్తున్న హీరో మంచు మనోజ్ కుమార్ మీద డ్రమ్ములు పడ్డాయట. దాంతో మనోజ్ స్పృహ కోల్పోయాడట. అతన్ని వేంటనే డాక్టర్ల వద్దకు తీసుకెళ్ళారట యూనిట్ సభ్యులు. అయితే అదృష్టవశాత్తూ మనోజ్ కి పెద్దగా దెబ్బలేం తగల్లేదట. మైనర్ ఇంజ్యూరీస్ తోనే మనోజ్ బయటపడ్డాడని తెలిసింది. ఈ విషయాన్ని మనోజ్ అక్కయ్య మంచు లక్ష్మీ ప్రసన్న స్వయంగా తన ట్విట్టర్ లో రాసింది.